ເອກອັກຄະຣາຊະທູດໄທ ປະຈຳ ສປປ ລາວ ມອບເຄື່ອງມືອຸປະກອນການແພດ ໃຫ້ແກ່ໂຮງໝໍເມືອງໂພນໂຮງ

ແຂວງວຽງຈັນ.

 

ໃນວັນທີ 24 ກັນຍາ 2026 ທ່ານນາງ ຄຣອງຂະນິດ ຣັກຈະເລີນ ເອກອັກຄະຣາຊະທູດໄທ ປະຈຳ ສປປ ລາວ ໄດ້ເດີນທາງໄປຍັງໂຮງໝໍເມືອງໂພນໂຮງ, ແຂວງວຽງຈັນ ເພື່ອສົ່ງມອບເຄື່ອງມືອຸປະກອນການແພດ ມູນຄ່າ 117,000 ບາດ ໃຫ້ແກ່ໂຮງໝໍເມືອງໂພນໂຮງ. ໂດຍມີທ່ານ ໄຊສະຫວັນ ພົມວຽງໄຊ ຮອງຫົວໜ້າຫ້ອງວ່າການແຂວງວຽງຈັນ ໄດ້ເປັນຜູ້ແທນແຂວງວຽງຈັນ ຮັບມອບອຸປະກອນດັ່ງກ່າວ ເຊິ່ງປະກອບມີ: ເຄື່ອງຕັດເຝືອກ ພ້ອມໃບມີດສຳຮອງ ຈຳນວນ 1 ເຄື່ອງ ແລະ ເຄື່ອງສ່ອງຫຼອດລົມ ຈຳນວນ 1 ເຄື່ອງ. ອຸປະກອນດັ່ງກ່າວ, ຈະຊ່ວຍໃຫ້ຜູ້ປ່ວຍທີ່ໃສ່ເຝືອກ ສາມາດເຂົ້າຮັບບໍລິການຕັດ ແລະ ຖອດເຝືອກໄດ້ຢ່າງຄົບວົງຈອນ ແລະ ຊ່ວຍໃຫ້ແພດສຸກເສີນສາມາດປະເມີນ ແລະ ຮັກສາຜູ້ປ່ວຍໄດ້ຢ່າງມີປະສິດທິຜົນຍິ່ງຂຶ້ນ. ທັງນີ້ ການສະໜັບສະໜູນດັ່ງກ່າວ ເປັນການສືບຕໍ່ການຮ່ວມມືດ້ານສາທາລະນະສຸກກັບ ສປປ ລາວ ໃນການພັດທະນາສັກກາຍະພາບຂອງໂຮງໝໍເມືອງໂພນໂຮງ ທີ່ໄທໄດ້ເລີ່ມຈັດຕັ້ງປະຕິບັດມາຕັ້ງແຕ່ປີ 1994 ແລະ ສອດຄ່ອງກັບຄູ່ຮ່ວມຍຸດທະສາດເພື່ອການເຕີບໂຕ ແລະ ການພັດທະນາຢ່າງຍືນຍົງ ລະຫວ່າງໄທ ກັບ ສປປ ລາວ.