ເອກອັກຄະຣາຊະທູດໄທ ປະຈຳ ສປປ ລາວ ສະແດງຄວາມຍິນດີຕໍ່ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ໃນໂອກາດທີ່ໄດ້ຮັບການແຕ່ງຕັ້ງໃຫ້ດຳລົງຕຳແໜ່ງຮອງນາຍົກລັດຖະມົນຕີອີກຕຳແໜ່ງໜຶ່ງ.

 

ເມື່ອວັນທີ 25 ມີນາ 2026 ທ່ານນາງ ຄຣອງຂະນິດ ຣັກຈະເລີນ ເອກອັກຄະຣາຊະທູດໄທ ປະຈຳ ສປປ ລາວ ໄດ້ເຂົ້າພົບທ່ານ ທອງສະຫວັນ ພົມວິຫານ ຮອງນາຍົກລັດຖະມົນຕີ ແລະ ລັດຖະມົນຕີກະຊວງການຕ່າງປະເທດ ເພື່ອມອບກະຕ່າດອກໄມ້ສະແດງຄວາມຍິນດີ ເນື່ອງໃນໂອກາດທີ່ທ່ານ ທອງສະຫວັນ ພົມວິຫານ ໄດ້ຮັບການແຕ່ງຕັ້ງໃຫ້ດຳລົງຕຳແໜ່ງຮອງນາຍົກລັດຖະມົນຕີອີກຕຳແໜ່ງໜຶ່ງ. ນອກຈາກນີ້, ທັງສອງຝ່າຍ, ຕ່າງສະແດງຄວາມຍິນດີທີ່ການສະເດັດຢ້ຽມຢາມ ສປປ ລາວ ຢ່າງເປັນທາງການຂອງພະບາດສົມເດັດພະເຈົ້າຢູ່ຫົວ ແລະ ສົມເດັດພະນາງເຈົ້າ ພະບໍຣົມຣາຊິນີ ໃນລະຫວ່າງວັນທີ 16-18 ມີນາ 2026 ດຳເນີນໄປຢ່າງຮຽບຮ້ອຍ ແລະ ສົມກຽດ ອັນເປັນຮາກຖານທີ່ສຳຄັນໃນການສົ່ງເສີມການພົວພັນ ໄທ-ລາວ ຕໍ່ໄປ.