ໃນວັນທີ 3 ກໍລະກົດ 2026 ທ່ານນາງ ຄຣອງຂະນິດ ຣັກຈະເລີນ ເອກອັກຄະຣາຊະທູດໄທ ປະຈຳ ສປປ ລາວ ໄດ້ເຂົ້າຢ້ຽມຂໍ່ານັບທ່ານນາງ ສວນສະຫວັນ ວິຍະເກດ ລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ ສປປ ລາວ ເພື່ອແນະນຳຕົວໃນໂອກາດເຂົ້າຮັບຕຳແໜ່ງໃໝ່. ໂດຍທັງສອງຝ່າຍ, ໄດ້ແລກປ່ຽນຄຳຄິດເຫັນກ່ຽວກັບການສົ່ງເສີມການຮ່ວມມືດ້ານວັດທະນະທຳ ແລະ ການທ່ອງທ່ຽວ ເຊັ່ນ: ການບັນລຸເປົ້າໝາຍຕົວເລກນັກທ່ອງທ່ຽວລະຫວ່າງກັນ ຈຳນວນ 3 ລ້ານຄົນຕໍ່ປີ, ການພັດທະນາສັກກາຍະພາບບຸກຄະລາກອນໃນພາກທຸລະກິດບໍລິການ ແລະ ການສົ່ງເສີມການທ່ອງທ່ຽວຢ່າງຍືນຍົງລະຫວ່າງສອງປະເທດ.