ເອກອັກຄະຣາຊະທູດໄທ ປະຈຳ ສປປ ລາວ ຢ້ຽມຂໍ່ານັບທ່ານ ປອ. ລິນຄຳ ດວງສະຫວັນ ລັດຖະມົນຕີກະຊວງກະສິກຳ ແລະ ສິ່ງແວດລ້ອມ.

 

ເມື່ອວັນທີ 3 ກໍລະກົດ 2025 ທ່ານນາງ ມໍຣະກົດ ສີສະຫວັດ ເອກອັກຄະຣາຊະທູດໄທ ປະຈຳ ສປປ ລາວ ໄດ້ເຂົ້າຢ້ຽມຂໍ່ານັບທ່ານ ປອ. ລິນຄຳ ດວງສະຫວັນ ລັດຖະມົນຕີກະຊວງກະສິກຳ ແລະ ສິ່ງແວດລ້ອມ ສປປ ລາວ ໃນໂອກາດທີ່ໄດ້ຮັບແຕ່ງຕັ້ງເປັນລັດຖະມົນຕີກະຊວງກະສິກຳ ແລະ ສິ່ງແວດລ້ອມ ພາຍຫຼັງຈາກການໂຮມກະຊວງກະສິກຳ ແລະ ປ່າໄມ້ ກັບກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ເປັນ “ກະຊວງກະສິກຳ ແລະ ສິ່ງແວດລ້ອມ” ໂດຍທັງສອງຝ່າຍ, ໄດ້ຫາລືກ່ຽວກັບການຮ່ວມມືລະຫວ່າງໄທ ແລະ ສປປ ລາວ ໃນດ້ານການກະເສດ, ສິ່ງແວດລ້ອມ, ການຈັດຕັ້ງປະຕິບັດການຈັດການຊັບພະຍາກອນນ້ຳ ລວມເຖິງ, ການພັດທະນາຊັບພະຍາກອນມະນຸດ ໂດຍສະເພາະຢ່າງຍິ່ງໃນໂອກາດການສະເຫຼີມສະຫຼອງວັນສ້າງຕັ້ງສາຍພົວພັນທາງການທູດລະຫວ່າງໄທ - ສປປ ລາວ ຄົບຮອບ 75 ປີ. ທັງນີ້, ທັງສອງຝ່າຍ ໄດ້ເນັ້ນໜັກຄວາມຕັ້ງໃຈ ແລະ ເຈດຕະນາລົມຂອງໄທ ແລະ ສປປ ລາວ ໃນການຂັບເຄື່ອນການຮ່ວມມືດ້ານການກະເສດ ແລະ ສິ່ງແວດລ້ອມໃຫ້ໜັກແໜ້ນຕໍ່ໄປ.