ເມື່ອວັນທີ 26 ມີນາ 2023 ທ່ານນາງ ມໍລະກົດ ສີສະຫວັດ ເອກອັກຄະຣາຊະທູດໄທ ປະຈຳ ສປປ ລາວ ແລະ ທ່ານ ຊັດໄຊ ວິຣິຍະເວດຊະກຸນ ຫົວໜ້າກົມອາຊີຕາເວັນອອກ ພ້ອມຄະນະ ຢ້ຽມຊົມບໍລິສັດ ຄຳມ່ວນຊີເມັນ ຈຳກັດ ຊຶ່ງເປັນການລົງທຶນຂະໜາດໃຫຍ່ຂອງກຸ່ມ SCG ໃນ ສປປ ລາວ ທີ່ສະໜັບສະໜູນການເຕີບໂຕທາງເສດຖະກິດຂອງທັງສອງປະເທດ, ສ້າງໂອກາດໃນການເຮັດວຽກ ແລະ ລາຍໄດ້ໃຫ້ກັບຄົນໃນທ້ອງຖິ່ນ. ລວມເຖິງ, ກິດຈະກຳ CSR ທີ່ຊ່ວຍຍົກລະດັບຄຸນນະພາບຊີວິດໃນຊຸມຊົນ ບໍລິສັດ ໃຊ້ເຕັກໂນໂລຊີການເຮັດເໝືອງ ແລະ ຜະລິດປູນຊີເມັນຄຸນນະພາບດີທີ່ບໍ່ສ້າງຜົນກະທົບຕໍ່ສິ່ງແວດລ້ອມ. ຄະນະຍັງໄດ້ຮັບຟັງການບັນຍາຍສະຫຼຸບເລື່ອງທຸລະກິດດ້ານໂລຈິສຕິກຂອງກຸ່ມ SCGJWD ທີ່ໃຊ້ປະໂຫຍດຈາກເສັ້ນທາງຂົນສົ່ງສິນຄ້າໄທ - ລາວ - ຫວຽດນາມ ອີກດ້ວຍ.