ເອກອັກຄະຣາຊະທູດໄທ ປະຈຳ ສປປ ລາວ ຮ່ວມເປັນສັກຂີພະຍານໃນພິທີລົງນາມບົດບັນທຶກຄວາມເຂົ້າໃຈ ລະຫວ່າງມະຫາວິທະຍາໄລຈຸລາລົງກອນຣາຊະວິທະຍາໄລ ແຫ່ງຣາຊະອານາຈັກໄທ ກັບກອງທຶນຊ່ວຍເຫຼືອສັງຄົມສະພາແຫ່ງຊາດ ສປປ ລາວ ວ່າດ້ວຍການສົ່ງເສີມການສຶກສາສົງ.

 

ເມື່ອວັນທີ 21 ພຶດສະພາ 2025 ທ່ານນາງ ມໍຣະກົດ ສີສະຫວັດ ເອກອັກຄະຣາຊະທູດໄທ ປະຈຳ ສປປ ລາວ ຮ່ວມເປັນສັກຂີພະຍານໃນພິທີລົງນາມບົດບັນທຶກຄວາມເຂົ້າໃຈ ລະຫວ່າງມະຫາວິທະຍາໄລຈຸລາລົງກອນຣາຊະວິທະຍາໄລ ແຫ່ງຣາຊະອານາຈັກໄທ ກັບກອງທຶນຊ່ວຍເຫຼືອສັງຄົມສະພາແຫ່ງຊາດ ສປປ ລາວ ວ່າດ້ວຍການສົ່ງເສີມການສຶກສາສົງ. ລົງນາມໂດຍພະເທບວັດຊະຣະສານບັນດິດ ຮອງອະທິການບໍດີຝ່າຍວາງແຜນ ແລະ ພັດທະນາ, ມະຫາວິທະຍາໄລຈຸລາລົງກອນຣາຊະວິທະຍາໄລ ແລະ ທ່ານນາງ ປອ. ວິພາວັນ ພົມວິຫານ ປະທານກອງທຶນຊ່ວຍເຫຼືອສັງຄົມສະພາແຫ່ງຊາດລາວ. ນອກຈາກນີ້, ມີທ່ານ ຄຳໃບ ດຳລັດ ຮອງປະທານສະພາແຫ່ງຊາດ, ທ່ານ ສຳລານ ພັນຄະວົງ ຮອງລັດຖະມົນຕີກະຊວງສຶກສາທິການ ແລະ ກິລາ, ທ່ານ ທອງຜ່ານ ສະຫວັດເພັດ ຮອງລັດຖະມົນຕີກະຊວງການຕ່າງປະເທດ ແລະ ທ່ານ ປອ. ຈັນເພັງ ສຸດທິວົງ ຮອງປະທານສູນກາງແນວລາວສ້າງຊາດ, ຜູ້ແທນຈາກກະຊວງພາຍໃນ, ສະມາຊິກສະພາແຫ່ງຊາດ ສປປ ລາວ ລວມເຖິງ, ພະສົງຈາກ ສປປ ລາວ ແລະ ໄທ ເຂົ້າຮ່ວມພິທີດ້ວຍ. ພິທີລົງນາມບົດກບັນທືກດັ່ງກ່າວ, ມີຈຸດປະສົງເພື່ອສົ່ງເສີມການສຶກສາຂອງສົງ, ການແລກປ່ຽນການຢ້ຽມຢາມຂອງສົງ ລວມທັງການຮ່ວມມືໃນການສະແຫວງຫາເງິນທຶນໃນການກໍ່ສ້າງບູລະນະສ້ອມແປງອຸປະກອນທາງການສຶກສາ ແລະ ພັດທະນາລະບົບການສຶກສາສົງ ຕະຫຼອດຮອດການສະແຫວງຫາທຶນການສຶກສາສຳລັບສົງ.